A nonna di Grupalèn

di Claudio Gallini ©

Pòc distа̃nt da Culëtta, dadlà da Laviàna,
a gh'é õn picèn paìś fàt da śẽnt nustràna.
A vèid Dus, Bori, Custabiancòn e Grupasö,
tüt di béi sìt dabòn, ma mé péns a Carghigö.

Tüt cà ad sas, cõn i tìcc' ad ciàp e fàt a màn,
ma ag n'é vöna, la püsè antica, ca g'ha düśẽnt'an.
Ẽntu cul bel castèl as tröva propi õna regina.
A nonna ad tütt i Grupalèn, as ciàma Giulìna.

U sò fasulët ẽn testa ag fa da curòna,
seimpra alegra a l'è õn'energìa ẽn parsona!
Michèttu l'ha fàtta ẽnamurà ẽnti prè di Munghé,
e a Carghigö l'ha purtó l'Angiulina di Musché.

Õna vita fatta ad cruś e sacrifìsi da iésan urgugliùśa.
A sò storia vèira la cõnta d'õna famìlia maravigliùśa.
L'è õn'artista ẽn cüśéna, cõn i parfùm di nos mõntagn:
anvèn, turtéi, riśòt, ar pàn ẽntu furan, tüt, tüt fat a man.

A duminca maténa a gh'é la mëssa a Grupàl,
ca piöva, ca fiòcca gandrìssa a cavàl.
Don Gianrìcu a l'aspéta ẽnta céśa a növ'ùr.
A Giulìna a prèiga pri sò car e par l'amùr.

Ẽn tüt e famìli ag vurissa õna Giulìna.
E nonn i'èn tа̃nta fòrsa, ièn vitamìna.
As meriterìsan na mdàja, õn monumẽnt.
Viva le nonne cõn u sò ẽnsegnamẽnt.

Claudio Gallini ©

Angela Cavanna (Angiolina - Giulìna), intenta a infornare delle splendide pagnotte nel suo forno a Cà Gregorio di Groppallo.

Foto: Antonio Cavanna